Ытыктабыллаах Таатта улууһун олохтоохторо!
Саха Өрөспүүбүлүкэтин судаарыстыбыннаһын күнүнэн эҕэрдэлиибин!
35 сыл анараа өртүгэр 1990 сыл балаҕан ыйын 27күнүгэр биһиги өрөспүүбүлүкэбит судаарыстыбыннай суверенитетын туһунан Декларация ылыллыбыта. Ол историческай докумуон өрөспүүбүлүкэбит инники сайдыытыгар бигэ тирэх буолбута.
Бүгүн Саха сирин олохтоохторо араас эйгэҕэ барытыгар үгүс уонна дьоһун ситиһиилээхтэр. Ол курдук экономикаҕа, промышленноска, социальнай эйгэҕэ, наукаҕа, үөрэхтээһиҥҥэ уонна культураҕа биһиги киэн туттар төрүөттэрдээхпит уонна үтүө түмүктэрдээхпит. Инникитин даҕаны хас биирдиибит кыһамньылаахтык, сыратын ууран, дьаныардаахтык үлэлээн, үөрэнэн, төрөөбүт өрөспүүбүлүкэбит уонна дойдубут чэчирии сайдарыгар кылаатын киллэрэригэр бүк эрэллээхпин.
Баҕарабын эһиэхэ чэгиэн туругу, ситиһиини, дьиэ кэргэҥҥитигэр дьолу, этэҥҥэ буолууну! Өрөспүүбүлүкэбит уонна дойдубут сарсыҥҥыта сырдык, кэскиллээх буоллун!
Саха Өрөспүүбүлүкэтин бар дьонун дьокутаата, “Саханефтегазсбыт” АУо генеральнай дириэктэрэ Виктор Николаевич Лебедев