Бүгүн Ытык Күөлгэ өссө биир чаҕылхай умнуллубат түгэн буолла.
Ол курдук Хадаайытааҕы литературнай-художественнай музей-заповедникка «Алаас сиртэн алгыстаммыт сулус суоллаах буойуммут» диэн ааттаах Тааттаттан Арассыыйа бастакы Геройугар Родимир Максимовка аналлаах быыстапка аһылынна. Родимир кыра сааһыттан билиҥҥитигэр тиийэ мала-сала, наҕараадалара, дьиэ-кэргэнин сырдатар стендалар, мэтириэттэрэ, Россияҕа биллэр худуоһунньук, биир дойдулаахпыт, портретист Федот Макаров анал мэтириэтэ, СВОҕа илдьэ сылдьыбыт былаахтара, Герой аатынан алмаас куоппуйата о.д.а. экспонаттар турдулар, оҕо сааһыттан СВОҕа тиийэ видеонан сюжет, кыра сылдьан ыллаабыт аудио записьтара, маны сэргэ Тааттаттан СВОҕа олохторун толук уурбут уолаттарбыт уонна Саха сирин Геройдарын сырдатар стендэлэр көрүүгэ-истиигэ турдулар. Манна доҕордорун Родимиры кытта киниэхэ өйөбүл буолан Арассыыйа Геройдара «Алексей” тааҥка экипаһын кыттыылаахтара Алексей Неустроев, Филипп Евсеев кэллилэр.
М.Неустроева, В.Башарина.