Сэтинньи 4 күнүгэр Тыараһаҕа өрөспүүбүлүкэбит ыытар олохтоох көҕүлээһини өйүүр бырагырааммаҕа (ППМИ) эһиилги 2026 сыллаахха кыттарга нэһилиэкпит биир кыһалҕалаах хайысхата көрүлүннэ.
Сомоҕолоһуу күнүгэр Л.Н.Турнин аатынан «Алгыс» норуот айымньытын дьиэтигэр дьон-сэргэ тоҕуоруһа муһунна. ППМИ сүнньүнэн хас да боппуруос турбутуттан куоластааһын түмүгүнэн, үгүс сылларга саас, күһүн, сайынын ардах түстэ да алдьанар, транспорт сырыытыгар харгыс оҥорор, оннооҕор сатыы да киһи сылдьарыгар эрэйи көрөр Өртүүкэп аатынан уулуссаҕа уонна арҕаа өттүнээҕи переулокка суол өрөмүөннээһинэ, ситэрэн-тупсаран биэрии үлэтэ кыайан, олохтоохтор уопсай мунньахтарынан бигэргэннэ.
Нэһилиэк олохтоохторо маннык көҕүлээһини өйүүр бырагырааммаҕа сылын аайы түмсүүлээхтик кыттан, биир сомоҕо буолан, саҥаттан саҥа киирбиилэри дабайыахпыт диэн эрэнэбит. Тыараһабыт сайдан, тупсан, киэркэйэн иһэригэр бииргэ түмсэн, кэлэр кэскилбитин кэтирэтэр бачыымы өйүөҕүҥ диэн ыҥырабыт.
