Мин сахабын –
Мин ырыам
Сахалыы сатарыыр.
Төрөөбүт төрүт тыл — норуот инники кэскилэ.
Тыл баар буоллаҕына, норуот баар буолар. Бу этиини кытта мин сөбүлэһэбин. Биһиги норуоппут бэйэтэ тыллаах, төрүт тылбытын өрө тутар буоламмыт: культурабыт, искусствобыт, олохпут бары өттүнэн күүскэ сайдар дии саныыбын. Саха бастакы президенэ Михаил Ефимович Николаев саха тылын үрдүктүк тутан, элбэх өрүттээх үлэни ыыппыта. Олунньу 13 күнүгэр саха лингвист учуонайа Семён Андреевич Новгородов төрөөбүтэ. Бу күн өрөспүүбүлүкэ үрдүнэн «Төрөөбүт тыл, сурук-бичик күнүнэн» биллэриллибитэ.
Э.К. Пекарскай аатынан Игидэй орто оскуолата Ийэ тыл күнүн олус тэрээһиннээхтик көрүстэ.
Сахалыы таҥныбыт оҕолор өрө көтөҕүллэн туран, төрөөбүт тылга аналлаах линейкаҕа сэлэлии туран муһуннубут. Бу линейкаҕа 7 кылаас үөрэнээччилэрэ саха литературатын учебнигар киирбит, Үстүүн Нохсоороп «Дыырай Бэргэн» олоҥхотун кылааһынан толордубут.
«Төрөөбүт тыл, сурук бичик күнүгэр» сонун тэрээһининэн «ТОК-оонньуу» ыытылынна. Оонньууга кылаастан 2-лии оҕо, 2 төрөппүт хамаанда туруоран күрэстэстибит. Биһиги кылаас хамаандата иккис бириистээх миэстэни ылан, үөрдүбүт-көттүбүт.
Төрөөбүт төрүт тылбыт сайда турдун!
Сайыына Захарова Игидэй орто оскуолатын 7 кылааһын үөрэнээччитэ, «МЕДИА-оскуола» иитиллээччитэ, салайааччы В.К. Ефимова.