С.Н. Донской-II аатынан үөрэх үлэһиттэрин идэлэрин үрдэтэр институтун тэрийиитинэн үгэс быһыытынан сыл ахсын оскуола библиотекаларыгар аналлаах ыйы быһа ыытытыллар күрэс үрдүк тэрээһиннээхтик буолан ааста.
А.Е. Мординов аатынан Тааттатааҕы лиссиэй библиотеката ситиhиилээхтик кыттан, 10 бастыҥнар ахсааныгар киирэн, «Креативнай видеоролик» анал аат дипломунан наҕараадаланна.
Алтынньы ыйга ааҕыыны көҕүлүүр сыалтан лиссиэй иһинэн библиобэстибээл ыытыллыбыта.
Бэстибээл чэрчитинэн, олоҥхо тиэмэтигэр аналлаах кинигэ угар бэлиэни (закладка) атастаһыыта, хаартысканан кинигэ дьоруойдарын күрэһэ, дьиэ кэргэн «саастаах» кинигэтэ, мин дьиэтээҕи библиотекам, 5 этиинэн кылгас аахпыт кинигэ ис хоhоонун аннотациятын суруйуу ааҕааччылары түмэр интэриэһинэй тэрээһиннэр ыытылыннылар.
Биир ураты тэрээһининэн кылаас салайааччыта Саргылана Турнина, сыллата үгэс быһыытынан ыытар, «Ааҕар дьиэ кэргэн» бырайыага үгүс оҕону, төрөппүтү түмэ тарта.
5 «в» кылаастан Тарасовтар дьиэ кэргэн
Кыайыылаахтарга анал ааттар, эҕэрдэ суруктар туттарыллыбыттара.
Лиссиэй дириэктэрэ Изабелла Сивцева үтүө сүбэтинэн библиотека иhинэн Медиа-Киин тэриллэн, үрдүк кыамталаах компьютердар туруоруллубуттара уонна Арассыыйа Бэрэсидьиэнин библиотекатын ситимин былаһаакката буолары ситистибит.
Күрэскэ кыттар видеопрезентацияны Медиа-Киин иитиллээччилэрэ устан, таҥан оҥорбуттара. Монтажтыыр режиссерунан Айна Собакина, видеону диктордаан Саина Иванова, Афоня Ширяев киэргэттилэр. Тэрээhиҥҥэ көхтөөх кыттыыны ылбыт кылаас салайааччыларыгар уонна ытыктабыллаах төрөппүттэрбитигэр улахан махталбытын тиэрдэбит.
Тааттатааҕы лиссиэй педагог- библиотекара Ольга Корякина.