“Манчаары оонньуулара” буолара 116 хонук хаалла. Тэрилтэлэр бары бэйэлэрин күүстэринэн тэрээһиҥҥэ бэлэмнэнэллэр.
Бэлэмнэнии үлэ туһунан сүбэ мунньахха “Сулусчаан”, “Березка” оҕо уһуйааннарын коллективтара муһуннулар.
Дирекция салайааччыта Петр Егорович Захаров бэлэмнэнии хаамыытын, фондаҕа төһө харчы киирбитин, ханна ороскуоттанарын, туох тутуулар бара туралларын, брендбук туһунан сиһилии кэпсээтэ, ыйытыыларга хоруйдаата. Үлэһиттэр, олохтоохтор бэйэлэрэ баҕа өттүлэринэн “Манчаары оонньууларын” фондатыгар кыттыһар харчыларын хайдах бэрээдэгинэн угуохтарын сөбүн сүбэлээтэ. Таатта улууһуттан төрүттээх Дьокуускайга олорор уонна олохтоох улахан урбаанньыттары холобур аҕалла. Ол курдук:
“Строймост” ХЭО салайааччы Варламов Сергей Афанасьевич — 3 500 000 солкуобай,
“Сэттэ” ХЭО салайааччы Данилов Андрей Джурович — 1 000 000 солкуобай
“Учур” ХЭО салайааччы Большаков Юрий Николаевич — 1 000 000 солкуобай
“Зодиак” КК салайааччы Варламов Андрей Герасимович — 500 000 солкуобай
Олохтоох предпринимателлэриттэн:
“Утум” ХЭО салайааччы Михайлова Саргылаана Ивановна — 200 000 солкуобай
“ИП Винокуров Н.Г.” салайааччы Винокуров Никита Гаврильевич — 300 000 солкуобай
Уһуйаан үлэһиттэрэ биир санаанан “Оонньууларга” бэлэмнэнэн эбийиэктэрин хомуналларыгар, өрөмүөннүүллэригэр, дьаарыстаналларыгар бириэмэ тиийбэтинэн, сайыҥҥы өттүгэр дьуһуурунай группалары арыйтарбат курдук, ону тэҥэ улууска буолар тэрээһиннэргэ уһуйаан үлэһиттэрин кытыннарыыны аччаталларыгар туруорустулар.
Сарыал Кыыма