Валентина Гаврильева бу Хара нэһилиэгин киһитэ. Олорбут дьиэлэрэ соторутааҥҥа дылы турбута. Улахан дьиэ этэ. Кини дьигинэн элбэх кинигэни суруйбута. Ол эрээри айымньытын ырытар киһи суоҕунан биллибэттик уу чуумпутук олорон ааһан испитэ. Ону баара «Уот Дьулустаан» диэн кэпсээнигэр киносериал уһуллан биирдэ биллэн таҕыста. Дьон бу сериалы тоҕо эрэ сөбүлээбит курдук. Комментарий бөҕөтүн хас серия ахсын суруйуу бөҕөлөр дииллэр. «Процедурнай сабыллыбыт», «Аҥар харах «укол» туруорбут»— эҥин диэн дьээбэлэнии элбэх эбит.
Сериаллары кэтэһэн туран көрөөччүм суох да, кэлиҥҥи сериаларын кэлэ- бара көрдүм, иһиттим.
Арааһа көрөөччүнү барыларын, кыра уол ийэтин Уот Дьулустаан диэн олоҥхоҕо кэпсэнэр бухатыыры көрсөн, эргэ биэрэн, ыарыытыттан босхолуур санаата дьулуура, сүрэҕэр сылаас иэйиини сахтаҕа. Оҕо ийэтин Ырыачайы үтүөрдүөн баҕата сериал, айымньы сүрүн көрдөрүүтэ, эккирэтиһиитэ. Бу тула Хобороос көрсүһүүтэ,уоруута. Ылдьаана хара санаата уо.д.а. арыллар эбит. Биир өртүнэн былыргы олох, иккис өртүнэн бүгүн да көстөр олох. Туох да уларыйбатах. Үөрэхтэннибит, сайынныбыт дэһэбит да. Бүгүн да Хобороостор, Ылдьааналар бааллар курдук. Бүгүн да, олонхо бухатыыра кэлэн хараҥа олохтон быыһ ы ырыгар , борустуой киһи баҕарар.
Хонон баран «дорообо» диэбиккэ дылы Валентина Гаврильевна айымньыта кырдьыбат, классическэй айымньыга тэҥнээх эбит. Кини өссө Сэбиэскэй кэм үгэннээн турдаҕына суруйбута эбээт.
Ырыачайынан аҥардас ыарыһах ийэни арааһа көрдөрбөтөх. Хайа баҕарар кэм ыар сүгэһэрин, онтон босхолонор ыра санааны ,ити кыра уол курдук бары баҕарабыт. Суох геройу күүтэбит.
Дьиҥнээх биһигитини быыһыыр герой арааһа олонхоҕо эрэ баар.
Сериал бүгүн бүтэр дииллэр.
F.