Республикаҕа “Булчут күнүн” көрсө муус устар 3 күнүгэр Орто Амма нэҺилиэгин маҥнайгы тутааччыта, бочуоттаах олохтооҕо, каадырыбай булчут, ытык кырдьаҕаспыт ВАСИЛИЙ ДМИТРИЕВИЧ ТЕРЯКОВ 85 үбүлүөйдээх сааһыгар ананар улуустааҕы «БУЛЧУТ КУТААТА» 2-с төгүлүн күрэх буолла.
Күрэх Виталий Очиров алгыһынан арыллынна, Далбар эбээлэр ыалдьыттары, күрэхтэһээччилэри алгыстаах алаадьынан айах туттулар. Виталий Очиров “Байанай” ырыатын клибын Харбалаахха устуутугар Теряков В.Д. уһуллубут түгэннэрин хаартыскаҕа тааһааран бэлэх уунна. Дойдутун дьонугар ырыатын сүрэхтээтэ.
“Булчут кутаатыгар” улууспут нэһилиэктэриттэн уопсайа 4 хамаанда кытынна.
Хамаанда састааба 18-50 диэри саастаах 6 киһиттэн турар. Уопсайа 8 көрүҥнээх:
- Балыксыттар эстафеталара;
- Сыал ытыы;
- Аты ыҥыырдааһын;
- Булт саатын ыһыы, хомуйуу;
- Кус, кыыл саҥатын таайыы;
- Булт тиэмэтигэр тест;
- Биатлон;
- Канат тардыһыы.
Күрэс тэрийээччилэрэ: Орто Амма нэһилиэгин дьаһалтата, К.Е. Владимиров аатынан КСК, И.В. Николаев аатынан ХДНТ, В.Д. Теряков дьиэ-кэргэнэ уонна аймахтара.
Күрэс түмүгүнэн кыайыылаахтар:
1м — Ытык Күөл,
2м — Чөркөөх,
3м — Орто Амма нэһилиэгэ,
4м — Н.Е. Мординов — Амма Аччыгыйа аатынан ХҮӨХ хамаандата.
