Соторутааҕыта Сахабыт сиригэр олус үтүө, умнуллубат тэрээһин — «Ыллаа — туой, уол оҕо!» диэн ХХVI-с өрөспүүбүлүкэтээҕи ырыа күрэҕэ Таатта улууһун Дьүлэй нэһилиэгэр, Туора Күөлгэ үрдүк таһымнаахтык буолан ааста. Бу үтүө үгэскэ кубулуйбут, кэнчээри ыччаты патриотическай тыыҥҥа иитэр тэрээһин биһиги дойдубут Аҕа баһылыгын Владимир Владимирович Путин ыҥырыытын, Россия күүстээх буолуутугар, оҕону-ыччаты төрөөбүт дойдутун таптыырга иитиигэ туһуламмыт соругун толорооччунан буолар. Уол оҕо ырыаҕа дьулуура, доҕордоһуулара уонна Аҕа дойдуларын кэскилин туһугар бэлэмнэрэ — күүстээх, биир сомоҕо Россияны тутар олук буолара саарбахтаммат.
Бу күрэххэ Саха сирин 8 улууһуттан (Кэбээйи, Өлөөн, Уус Алдан, Чурапчы, Мэҥэ Хаҥалас, Хатас, Таатта) саамай чаҕылхай, талааннаах уолаттар мустан, бэйэлэрин дьоҕурдарын көрдөрдүлэр. Эдэр ырыаһыттар төрөөбүт тылбыт кэрэтин уонна норуоппут үтүө үгэстэрин ырыа нөҥүө уруйдаатылар.
Ытык дьүүллүүр сүбэнэн 2 күн устата үлэлээн оҕолор талааннарын Саха сиригэр биллибит, дьоҕурдаах специалистар сыаналаатылар:
Зинаида Петровна Лугинова — СР үөрэҕириитин, ыччат политикатын уонна культуратын туйгуна, «Ыллаа-туой, уол оҕо» бырайыак ааптара.
Александра Саввична Архипова — «Юные якутяне» РРЦ методиһа, РФ үөрэҕириитин бочуоттаах үлэһитэ.
Мария Алексеевна Портнягина — «Юные якутяне» РРЦ педагог-организатора, «Надежда Якутии» бэлиэ хаһаайына.
Мира Николаевна Луковцева — Таатта улууһун үөрэҕириитин салаатын методическай киинин салайааччыта, СР үөрэҕириитин туйгуна, РФ үөрэҕириитин бочуоттаах үлэһитэ.
Альбина Ивановна Бессонова — Кэбээйи улууһун Сиэгэн Күөл орто оскуолатын музыкаҕа учуутала, СР үөрэҕириитин туйгуна.
Ырыа күрэҕэ икки күн устата олус сэргэхтик ааста. Бастакы күн ыалдьыттары «Дьиэрэҥкэй» үҥкүү бөлөҕө «Эҕэрдэ» үҥкүүнэн үөрүүлээхтик көрсүбүттэрэ. Икки туурунан уолаттар бэйэлэрин кыахтарын толору арыйдылар.
Тэрээһин үөрүүлээх арыллыытыгар «Күндүүнэ» үҥкүү бөлөҕүн эбэлэрэ (сал. Васильева Т.К.) арчылааһын сиэрин-туомун толорбуттара, Туора Күөл орто оскуолатын хоһоонньут уолаттара уонна «Талах курдаах уолаттар» «Дьиэрэҥкэй» үҥкүү бөлөҕүн уолаттара, республикатааҕы күрэх лауреаттара бэйэлэрин нүөмэрдэрин дьоҥҥо-сэргэҕэ бэлэхтээбиттэрэ.
Иккис күн эдэр ырыаһыттар дууһаларын ууран туран ыллаабыттара истээччилэр сүрэхтэрин долгутта. Күрэх түмүгүнэн олус сиэдэрэй Гала-концерт буолла.
Күрэх кыайыылаахтара
Муҥутуур Гран-При:
Соло — Тимур Эляков (Туора Күөл орто оскуолатын 7-с кылааһын үөрэнээччитэ). Сал. Васильев Г.К. Киниэхэ анал кубок уонна телевизор бириис туттарылынна (Спонсор: ООО «Монтажник» генеральнай директора А.М. Ханин);
Бөлөххө — «Тоҕус тойон» ансамбль (Туора Күөл орто оскуолата). Сал. Васильев Г.К. Бириис: Кубок уонна 25 000 солк. (Спонсордар: «Тоҕус Тойон» ансамбль 5-с көлүөнэ иитиллээччилэрэ).
Анал номинациялар:
“Бастыҥ салайааччы”: А. И. Бессонова (Кэбээйи улууһа);
“Бастыҥ патриотическай ырыа”: Михайлов Дамир (Чурапчы), сал. Михайлова Д.И;
“XX үйэ ырыаларын тарҕатааччы”: Прядезников Дамир (Уус Алдан), сал. Федорова В.К;
“Саамай эдэр кыттааччы”: Сысолятин Коля (Чурапчы);
“Дьүрүһүйэр куолас”: Айхал Чупров (Туора Күөл), сал. Васильев Г.К.;
“Күрэх саҕалааччы”: Ринат Кузьмин (Туора Күөл) сал. Кузьмина А.И;
“Ойор-тэбэр оҕо саас”: Петров Ньургун (Чурапчы);
“Күрэх эрэлэ”: Кычкин Эрсан (Уус Алдан), сал. Харитонова А.Р;
“Лауреаттар лауреаттара”: «Төҥүлү» ансамблыгар (Сал. Петухова А.С.);
«Көрөөччүлэр биһирэбиллэрэ»- Федоров Станислав (Өлөөн);
Лауреаттар (соло, таһымнарынан):
Кыра бөлөх (7-11 саас): 1 истиэпэн – Дамир Михайлов (Чурапчы), сал.Михайлова Д.И;
2 истиэпэн – Олесов Айастаан (Уус Алдан), сал. Никитин А.Г.);
Орто бөлөх (12-14 саас):
1 истиэпэн – Николай Охлопков (Уус Алдан), сал. Румянцева Е.П.);
2 истиэпэн – Ваня Кузьмин (Туора Күөл), сал. Кузьмина А.И.);
3 истиэпэн – Эрчим Афанасьев (Уус Алдан), сал. Никитин А.Г.);
Улахан бөлөх (15-18 саас):
1 истиэпэн – Айсиэн Кутуков (Уус Алдан), сал. Стрекаловская У.Е;
2 истиэпэн – Сулустаан Копырин (Хатас);
Лауреаттар (Дуэт/Трио):
1 истиэпэн – «Чаҕылыс» трио (Кэбээйи), сал. Бессонова А.И;
2 истиэпэн – «Куһумууннар» трио (Туора Күөл), сал. Кузьмина А.И.);
Лауреаттар (Ансамбль, таһымнарынан):
Кыра бөлөх:
1 истиэпэн – «Тоҕус тойон» (Туора Күөл), сал. Кузьмина А.И.);
2 истиэпэн – «Чаҕылыс» (Кэбээйи), сал. Бессонова А.И.);
Ону таһынан бөлөх аайы дипломаннар таҕыстылар, дипломнарынан, кубогынан, бириистэринэн наҕараадаланнылар.
Махтал спонсордарбытыгар!
Бу кэрэ бырааһынньыгы тэрийэргэ уонна оҕо талаанын өйөөһүҥҥэ күүс-көмө буолбут, анал бириистэри туруорбут күндү спонсордарбытыгар дириҥ махталбытын тиэрдэбит:
• А.М. Ханин, ООО «Монтажник» генеральнай директора (Телевизор);
• П.Д. Рахлеев, ОАО «Төлөн» директора (20.000 солк сууммалаах «Техноторг» сертификата);
• ИП И.В. Гоголев, «Нужные вещи» маҕаһыын (3 наушник);
• М.Б. Аргунова, АКБ «Алмазэргиэнбанк» АО салайааччыта (АКБ бренд бирииһэ);
• Н.В. Захарова, Таатта улууһун ГИБДД инспектора (Термос набора);
• М.П. Тарасов, ГКУ РС(Я) «Таатта улууһун социальнай көмүскэл киинэ» салайааччыта (Инструмент набора);
• ИП К.Т. Потапов, «Телемир» маҕаһыын (Велосипед);
• ИП А.А. Элякова, «Абсолют» маҕаһыын (20.000 солк);
• А.М. Соловьев, ГАНОУ РС(Я) «Юные якутяне» киинин салайааччыта;
• И.И. Дягилев, МКУ «Таатта улууһун үөрэҕириитин салаата» начаалынньыга (Сертификат);
• О.Д. Осипов, СП «Дьүлэй нэһилиэгэ» баһылыга (Чороон);
• М.Н.Луковцева, Таатта улууһун үөрэҕин управлениетын методическай киинин сэбиэдиссэйэ (Напольнай акустика);
• «Тоҕус Тойон» ансамбль 5-с көлүөнэ иитиллээччилэрэ (25 000 солк);
• З.П. Лугинова, «Ыллаа-туой, уол оҕо!» өрөспүүбүлүкэтээҕи бырайыак ааптара;
• Пётр Оготоев аатынан Уус Алдан улууһун Кэптэни НАК күрэх маҥнайгы Гран-прита Геннадий Федоров аатынан бирииһэ; Директор Прядезников В.Ф. (Аэрогриль);
• Таатта улууһун администрациятын ыччат уонна дьиэ кэргэн политикатын салаата (Сертификат);
• Нэһилиэкпитигэр олорор Чурапчы, Бүлүү, Томпо, Уус Алдан, Мэҥэ Хаҥалас улуустарын биир дойдулаахтарын түмсүүлэригэр (землячестволарыгар);
• Д.Д. Ефимова, Туора Күөл орто оскуолатын «Туой тыына» бырайыагын ааптара;
• О.Н. Гуляева, И.Н. Гуляев аатынан Туора Күөл орто оскуолатын МБОО директора (Сертификат);
• В.А. Шестаков дьиэ кэргэнэ, «Ыллаа-туой, уол оҕо-2008» улуустааҕы Гран-при күрэҕин кыайыылааҕа (Индукционнай плита);
• ИП В.В. Никифорова, «Уйгу» маҕаһыын (Термос);
• А.В. Аржаков, МБОО «Уолба орто оскуолата» директора (Термос);
• Н.К. Малардыров, МТС компания салайааччыта (Наушниктар);
• Туора Күөл эр дьон вокальнай ансамбыла «Дохсуннар» (Сал. Васильев Г.К.) 5 000 солк;
• МБУ «Таатта улууһун норуот айымньытын дьиэтэ» (директор Сивцева И.А.) Театрга киинэ көрөргө, запись оҥорторорго сертификаттар.
Оскуола администрацията махталы биллэрэр күрэҕи тэрийсибит бары учууталларга, иитээччилэргэ, үлэһиттэргэ, төрөппүттэргэ, волонтер оҕолорго, дьаһалта (баһылык Осипов О.Д), «Сайдам» НАДь (директор Аянитова Н.П, уус-уран салайааччы Свинобоев А.В, оператор Захаров Т.Т.), КСК( спортинструктор Захарова Н.Т.) коллективтарыгар, 11 кылаас төрөппүттэригэр, «Күндүүнэ» түмсүүгэ (Сал. Васильева Т.К.), Игидэйдээҕи норуот айымньытын дьиэтин коллективыгар (Директор Попова С.Д.).
Эһиилги күрэҕи дьүүллүүр сүбэ Мэҥэ Хаҥалас Төҥүлүтүгэр ыытар гына быһаарда.
Уол оҕо ырыата өрүү үрдүктүк дуораһыйдын, айар суола алгыс нөҥүө арылыннын!
Эрчим Евграфов.