Анал байыаннай дьайыы саҕаланыаҕыттан «Илии сылааһа» иистэнэр сыах тэриллэн, күн бүгүнүгэр диэри улуус иис хамаандаларын түмэн, ыкса ситимнээхтик үлэлэһэр. Бу 3-с төгүлүн ыытыллар «Илии сылааһа» күрэххэ Таатта улууһуттан 3 хамаанда тигинэччи түһүннэ.
Ытык Күөлгэ Анна Никифорова салайыытынан «Харыстаана» иис хамаандата туора турбакка, үтүө санааны үксэтэ, анал таҥаһы хаачыстыбалаахтык тигиигэ кыһаллар. Бу курдук уран тарбахтаах Далбар Хотуттарбыт: Анна Никифорова, Галина Дедюкина, Саргылана Слепцова, Аграфена Баишева, Анастасия Оросина олунньу 3 күнүгэр диэри «Эр хоһуун» таҥас кэмпилиэгин байыаннай дьайыыга сылдьар биир дойдулаахтарбытыгар тигэн бэлэмниэҕэ.