Бүгүн, ол эбэтэр олунньу 2 күнүгэр, Таатта улууһун баһылыга Айаал Бурцев анал байыаннай дьайыыга сулууспалыыр биир дойдулаахтарбытын кытта көрүстэ.
Уолаттар мобилизацияҕа бастакы хомуурга хабыллан барбыт уолаттар, кинилэр уоппускаларыгар кэлэ сылдьаллар.
Биир дойдулаахтарбыт гуманитарнай көмө кэлэригэр , саха волонтердар хамсааһыннарыгар, өрөспүүбүлүкэ бүттүүнүн үрдүнэн байыастарга көмө тэриллэриттэн дойдуларынан киэн тутталларын биллэрдилэр, атын регионнар көмө тэриллэрин көрөн сөҕөллөрүн киэн тутта кэпсээтилэр. Бу хамсааһын оҕолорбутугар күүстэригэр күүс эбэрэ кинилэр хас этэр тылларыгар көстөр.
Улууспут баһылыга туох туруорсуулааххыт диэн ыйытыытыгар биир байыас » дьиэ туттаары сылдьан, хомуурга барбытым, эргэ дьиэм акылаата эмэҕирдэ» диэбитигэр улуус баһылыга улуус муниципальнай программатыгар дьиэ акылаатын өрөмүөннүүргэ уочаракка инники киллэриэхпит диэн эттэ.
Атын уолаттар дьиэбитин, төрөппүттэрбитин нэһилиэктэр көрөллөр диэн санаалара бөҕөҕүн биллэрдилэр.
Бу хаалбыт күннэргэ уолаттар балыыһаҕа көрдөрөллөр, бөҕөргөтөр битэмиин укуоллары ылаллар, уочарата суох тиистэрин эмтэтэллэр.
Байыастарга Ил Дархан махталын бэлиэтин саха быһаҕын , махтал сурук, Уус Таатталар оҥорбут харысхал бэлиэлэрин уонна утуйар мөһөөччүктэри биэрдилэр.
Улуус баһылыга ыччаттары алҕаата,кыайыынан төннөн кэлэн ыал буолалларыгар, олох уйгутун сомсоллоругар баҕарда.
Айаал Бурцев анал байыаннай дьайыыга сулууспалыыр биир дойдулаахтарбытын кытта көрүстэ
