А.Е.Мординов аатынан Тааттатааҕы лиссиэйгэ быйылгы үөрэх дьылыгар барыта 455 оҕо үөрэниэҕэ.
Бүгүҥҥү үөрүүлээх билии күнүгэр оскуоланы бүтэрээччилэр, 3 кылааҺынан 42 оҕо киирдэ. Олох киэҥ аартыгар үктэнэр эппиэтинэстээх үөрэх дьылыгар кылаас салайааччылара, саха тылын уонна литературатын уҺуйааччыта Лолита Федотовна Саввина, химия, биология учуутала Лена Николаевна Голикова уонна үлэ үөрэҕин уҺуйааччыта Анисия Владимировна Кириллина үерэнээччилэринээн тэҥҥэ долгуйаллар, ситиҺиилээх сылы баҕараллар.
Сырдык сыдьаай күҥҥэ үөрэнээччилэргэ эҕэрдэ, алгыс тылларын тиэртилэр: «Таатта улууҺа» муниципальнай тэриллии баҺылыгын солбуйааччы Клавдия Протопопова, Таатта улууҺун прокурора Александр Малинкин, улуустааҕы үөрэх салаатын начальнигын солбуйааччы Иван Тарабукин, лиссиэй директора Альберт Посельскай. Үөрэнээччилэр ааттарыттан харда тылы бастыҥ үөрэнээччи София Софронова эттэ.
Татьяна Захарова