Муус устар 9-10 күннэригэр Харбалаахтааҕы үөрэхтээһин холбоһугар «ЦПРК «Арктика» (рабочай кадрдары бэлэмниир киин) методистара директор Мира Андреевна Лебедева салайааччылаах кэлэн, бастакы күн сарсыарда «Идэҕэ үөрэтиигэ саҥа хайысхалар» тиэмэҕэ санаа атастаһыытын түһүлгэтин тэрийэн ыыттылар. Эбиэттэн киэһэ хамаандаларга арахсан, эмиэ бу тиэмэ сүнньүнэн бырайыактыыр үлэ ыытылынна. Эдэрдэр бэйэлэрин көрүүлэринэн бырайыак суруйан көмүскээтилэр.
Иккис күҥҥэ «ЦПРК «Арктика» биир тутаах, ыччаты кытта үлэҕэ специалиһа, политолог Артем Егорович Сивцев БПЛА уонна араатар искусствотын туһунан оҕолорго практическай чаастаах лекция ыытта. Оҕолор сүрдээҕин сэҥээрдилэр, астыннылар.
Онон идэни биэриигэ туһаайыллар иитэр-үөрэтэр үлэҕэ олус туһалаах көмөнү оҥорбут орто сүһүөх кадрдары бэлэмниир «Арктика» киин үлэһиттэригэр махталбытын тиэрдэбит! Айымньылаах үлэлэригэр ситиһиилэри баҕарабыт!
Валентина Кривошапкина, Харбалаах.