Арассыыйа Бэрэсидьиэнэ Владимир Путин, олунньу 29 күнүгэр Федерация мунньаҕар туһаайбыт этиитин туһунан Таатта улууһун социальнай сайдыыга уонна үлэҕэ управлениетын салайааччыта Михаил Тарасов бу курдук санаатын үллэһиннэ:
Дойдубут Бэрэсидьиэнэ Владимир Путин 16 төгүлүн тус этиитин икки аҥаар чаас кэриэтэ эттэ. Быйылгы этиитин Аан дойду дьоно бүттүүн кэтээн көрдө, хас биирдии Арассыыйа олохтооҕун долгутта.
Бэйэм социальнай эйгэни салайар киһи быһыытынан – саҥа «Дьиэ кэргэн” национальнай бырайыга баар буоларын туһунан үөрэ иһиттим. Кырдьык кэлиҥҥи сылларга дьиэ кэргэҥҥэ дойдубут үрдүнэн улахан болҕомто ууруллар — араас саҥа бырагыраамалар, төлөбүрдэр сыллата дьиэ кэргэн бигэ туруктаах буоларыгар анаан киирэ тураллар. Быйыл Арассыыйаҕа дьиэ кэргэн сыла биллэрилиннэ бу элбэҕи этэр, Дойду бэрэсидьиэнэ Владимир Путин дойду инники кэскилигэр улахан болҕомто уурарын өссө төгүл бигэргэттэ.
Элбэх оҕолоох дьиэ кэргэн суолтата – оҕону-урууну тэнитии уонна иитии буолар диэн эттэ. Бу этии элбэх оҕолоох ыалларга саҥа өйөбүллэр баар буолалларын этэр уонна дойдуга үлэлии турар бырагыраамалар алта сылга уһуохтарын эттэ. Кырдьык бигэ туруктаах, элбэх оҕолоох дьиэ кэргэн дойду тутула буолар. Кыра бырыһыаннаах ипотека бырагыраамата салгыы үлэлиирин бэлиэтии иһиттим. Кырдьык билигин демография боппуруоһа сытыытык турар.
Биһиги өрөспүүбүлүкэбит Ил Дархана Айсен Сергеевич дьиэ кэргэн дохуоттаах буоларыгар күүстээх үлэ ыытар, араас эрэгийиэннээҕи төлөбүрдэр сыллата эбиллэ тураллар. Манан даҕатан этэххэ дойдубут Бэрэсидьиэнэ дьадаҥыны утары үлэни 2030 сылга дылы күүһүрдэрин туһунан эттэ.
Аҕам саастаах дьоммутугар болҕомто күүһүрэрин, уһун үйэлээх дьон өссө көрдөрүүтэ үрдүөхтээҕин эттэ. Биһиги улуус ааспыт сылга саастаах дьоммутугар уонна инбэлииттэргэ уһун болдьохтоох көрүү-истии систиэмэтэ национальнай бырайыак бырагырааматыгар киирбиппит, маннык бырагыраамалар Дойду үрдүнэн кэҥиэхтээҕин туһунан эттэ.
Дойду Бэрэсидьиэнэ Владимир Путин хас биирдии эппит этиилэрэ киһи олоҕо тупсарын уонна дойдубут бигэ туруктаах, күүстээх байыннай аармыйата буоларын туһугар этиллиннэ. Түмүккэ эттэххэ бары түмсүүлээх, модун санаалаах буолуохха диэн ыҥырабын.