Тохсунньу 23 кунүгэр Дьүлэй нэһилиэгэр улуус баһылыга А.С.Бурцев 2023 сылга ыытыллыбыт үлэтин отчуота буолан ааста. Манна нэһилиэк 58 олохтооҕо кыттыыны ылла.
Улуус баһылыга үлэ сүрүн хайысхаларыгар тохтоон иһитиннэриитин кэннэ тута ыйытыыларга хоруй саҕаланна. Олохтоохтортон барыта 25 ыйытыы киирдэ. Ордук тыа хаһаайыстыба араас салааларыгар, киин хочуолунайы уларытыы, кулууп тутуута, муниципальнай уонна ис суоллар эрэмиэннэрэ, бэрээдэк, Манчаары оонньуутун тэрээьиннэрэ, социальнай хайысхалаах боппуруостар киирдилэр.
Этиилэртэн быһа тардан билиһиннэрдэххэ, Кузьмина Е.Н: балыыьабыт 1989 сыллаахха норуот күүһүнэн тутуллубута, билигин сайдыы барар, саҥа аныгылыы врачебнай амбулатория бырайыактааһынын, тутуллуутун туруорсабыт. Потапова Валерия Николаевна: улуус киинигэр общественнай сылаас туалет суо5а нэһилиэктэн киирээччилэр биир эрэйдэнэр проблемабыт буолар. Васильева Софья Петровна: үүт сылы эргиччи туттарабыт, ис суол салгыы эрэмиэннэнэн иһэрэ буоллар. Сыромятникова Октябрина Егоровна: 1988 сыл оскуола иьинэн араас салаалардаах Албан аат музейа арыллыбыта. Билигин музей туһунан дьиэлэнэн улэһитэ суох турар. Билигин ирдэбил да баар буолла, музейдары сөргүтүүгэ, тэрийиигэ. Манна штат эбии көрүллэрин туруорсабыт.
Осипов О.Д : дьаьалта дьиэтигэр ОПС, культура тэрилтэлэрэ кыттыһан олорор. Отопление төлөбүрүн дьаһалта төлүү олорор. Боломуочунайа, үп — ас тыырыллыыта туһунан. Манна Сөбүлэҥ түһэрсэн, төлөбүрүгэр үлэлиэххэ.
Гуляев Дмитрий Николаевич: икки кэнники сыл ыарахан кыстык ааста. 1100 т оту былырыын нэһилиэк таһыттан атыылаһан кыстаабыппыт, бу 11 мөл сууммаҕа тэҥнэһэр. Ыксаллаах быһыыга- майгыга да киирбэтэхпит, оттон маннык түгэҥҥэ ыаллыы олорор Чурапчыга ыксаллаах быһыы-майгы биллэриллэр. Онон улуус алаас сирдээх нэһилиэктэригэр ЧС балаһыанньатын биллэриитин туруорсабыт.
Васильева Татьяна Кононовна:Аптека суоҕа , балыыһа өрөмүөнэ, маслоцех баар буолара наада.
Осипов Олег Дмитриевич— быйыл бэйэбит күүспүтүнэн Туора Куел күөлүн дириҥэтии бырайыагын оҥоттордубут. Улуустан эбии үбүлээһини туруорсабыт. Уһун Эбэ быһыытын үлэтин түргэтэтии.Быһыт автоводосброс 23 мөл сыаналаах, гос экспертизатыгар кэлэн иҥнэн турабыт. Манна көмөтүнэн наадыйабыт.
Балыыһа боппуруоһа былырыынныттан турар. 1989 с тутуу. Мас дьиэ буолан олоҕо энчириир.
Кулууп тутуутугар 3-с сылбытын культура федеральнай программатыттан мэлийдибит. Быйыл перепроект оноттордубут.
Котельнай тутуутун проега бүтэн, былааҥҥа киирэн , бу саастан материал таһыллыыта саҕаланар.
Суолу республика бас билиитигэр биэрии туһунан боппуруос уруккуттан туруора сатыырым. Улууһунан туруорсуутун сөргүтүөххэ.
Түмүккэ саҥа хамаанда үлэни үчүгэйдик саҕалаата, кыаллыбакка турбут үлэлэр хамсаан эрэллэрэ бэлиэтэнэн, ситиһиини баҕарабыт диэнинэн отчуот тумуктэннэ.
Ефимова Л.Д. Дьүлэй нэһилиэгин МТ баһылык солбуйааччыта