Анал байыаннай дьайыы саҕаланыаҕыттан Таатта улууһун Ытык-Күөл сэлиэнньэтин иистэнньэҥнэрэ буойуттарга анаан иистэнэн барбыттара. «Харыстаана» иистэнэр сыах 2023 сыл бэс ыйын 23 күнүгэр Никифорова Анна Егоровна көҕүлээһининэн сахалартан соҕотох «Албан аат» уордьан толору кавалера Д.А.Петров аатынан Ытык Күөл 2-с №-дээх орто оскуолатын (дир. Сергеев Д.В.) базатыгар тэриллибитэ. Ол кэмтэн «Илии сылааһын» иистэнэр сыах (сал. Саввина И.Е.) тэрийэр күрэхтэригэр көхтөөхтүк кытталлар.
Бу сылларга 150 устуука кууркалаах, ыстааннаах көстүүм, 100 устуука тактическай ырбаахы, 140 флис матырыйаалтан куурка, 20 ыстаан, 167 устуука нательнай көстүүм, 180 устуука снуд, 120 устуука куллуку, 215 устуука футболка, 10 устуука поло футболка, 10 устуука шортик, 150 устуука ардахха кэтиллэр кууркалаах, ыстааннаах көстүүм, 84 устуука подкасник, 9 устуука сэлээппэ, 150 устуука “дождевик” мөһөөччүгэ, 2 устуука “Улар” көстүүм тиктибит.
Биһиги үлэбитигэр «Таатта» автодор (сал. Бочонин И.И.) күүскэ көмөлөһөр. 416 тыһ. суумалаах таҥас, иистэнэр массыыналары сыахха биэрэн уолаттарбытын харыстыыр, арчылыыр таҥастарынан хааччыйабыт. 2024 сыл сэтинньи ыйыттан бу сыл ыам ыйыгар диэри 40 комплегы (х/б көстүүм, флис куурка, кыһыҥҥы куурка, тактическай ырбаахы, футболка, нательнай көстүүм, дождевик, флис бэргэһэ) Таатта улууһуттан анал байыаннай дьайыыга кытта сылдьар оҕолорбутугар анаан тиктилэр.
Бу курдук күн аайы биир санаанан салайтаран, кыайыы туһугар үлэлии-хамныы сылдьар кэрэ аҥардарга: Анна Никифороваҕа, Марианна Мочкинаҕа, Галина Дедюкинаҕа, Анастасия Оросинаҕа, Саргылана Слепцоваҕа, Валентина Собакинаҕа, Анна Ючюгаеваҕа, Александра Бочуроваҕа, Сардана Сенькинаҕа, Светлана Мессееваҕа, Аграфена Баишеваҕа, Александра Андрееваҕа улуус дьаһалтата махтал суруктары туттарда.
Бэйэбит инф.