Биһиги улууспутугар Российскай Федерацияҕа Дьиэ кэргэн сылын түмүктүүр, көлүөнэлэри түмэр бэлиэ тэрээһин буолан ааста. Тэрээһиҥҥэ эҕэрдэ тылы улуус баһылыгын солбуйааччы Святослав Васильевич Сунхалыров эттэ уонна элбэх оҕолоох ийэҕэ Туйаара Станиславовна Захароваҕа «Ийэ Албан аата» бэлиэни туттарда.
Итиэннэ үөрүүлээх тэрээһин чэрчитинэн ыал буолан 50 сыл бииргэ олорбут 9 дьиэ кэргэни «Семейная доблесть» наҕарааданан бэлиэтээтилэр. Бу убаастабыллаах пааралар Таптал. Эрэл. Итэҕэл. чаҕылхай холобурдара буолан кинилэр ааттара Таатта улууһун Бочуоттаах кинигэтигэр суруллубуттара. Кинилэр ааттара:
- Агафия Николаевна, Дмитрий Николаевич Матвеевтар.
- Николай Иннокентьевич, Мария Родионовна Матаннановтар.
- Галина Васильевна, Егор Николаевич Васильевтар.
- Надежда Васильевна, Прокопий Прокопьевич Нутчиннар.
- Аграфена Гаврильевна, Владимир Семенович Жирковтар.
- Луиза Михайловна, Василий Васильевич Малышевтар.
- Евдокия Трофимовна, Виктор Васильевич Протопоповтар.
- Эмма Алексеевна, Семен Семенович Бястиновтар.
- Татьяна Кирилловна, Дмитрий Дмитриевич Малышевтар.
Кинилэр дьиэ кэргэн сыаннастарын сайыннарыыга кылааттарын бэлиэтээн туран наҕараадалары Святослав Васильевич уонна Тааттатааҕы ГТАС салайааччыта Нария Васильевна Пестрякова туттардылар.
Маны тэҥэ «Сыл бастыҥ ыала» анал аат араас категориятыгар кыайыылаах 12 дьиэ кэргэҥҥэ бириэмийэлэр туттарылыннылар. Номинаннар араас эйгэҕэ үтүө ситиһиилэрдээх, биһиги улууспут сайдыытыгар кылааты киллэрбит ыаллар:
- Култуура эйгэтигэр — «Сыл бастыҥ ыала» анал аат кыайыылаахтарынан буоллулар Надежда уонна Федот ЛУКИННАР дьиэ кэргэн.
- Доруобуйа харыстабылын эйгэтигэр – «Сыл бастыҥ ыала» анал аат кыайыылаахтарынан Лиана, Александр МАЛЫШЕВТАР дьиэ кэргэн.
- Үөрэх эйгэтигэр – «Сыл бастыҥ ыала» анал аат кыайыылаахтара Галина, Николай ИМНЭР уонна Вероника, Василий НОВГОРОДОВТАР дьиэ кэргэннэрэ буоллулар.
- Атыы — эргиэн, урбаан эйгэтигэр – «Сыл бастыҥ ыала» анал аат кыайыылаахтарынан Людмила, Никифор КУТУГУТОВТАР буоллулар.
- Бырамыысаланнас эйгэтигэр – «Сыл бастыҥ ыала» анал аат кыайыылаахтарынан Вероника, Петр ВИНОКУРОВТАР буоллулар.
- Олох-дьаһах коммунальнай хаһаайыстыба эйгэтигэр – «Сыл бастыҥ ыала» анал аат кыайыылаахтара Августа, Станислав АТАСЫКОВТАР.
- Тыа хаһаайыстыбатыгар – «Сыл бастыҥ ыала» анал аат кыайыылаахтара — Мария, Аркадий МИРОНОВТАР.
- Спорт эйгэтигэр – «Сыл бастыҥ ыала» анал аат кыайыылаахтара Екатерина, Гаврил ВЫРДЫЛИННАР.
- Ис дьыала уорганын эйгэтигэр – «Сыл бастыҥ ыала» анал аат кыайыылаахтара Виктория, Иван ОХЛОПКОВТАР.
- Дьахталлар общественнай сэбиэттэриттэн – «Сыл бастыҥ ыала» анал аат Екатерина, Иннокентий ПЕТРОВТАР.
- «Сыл бастыҥ эдэр ыала» анал аат кыайыылаахтара — Анна, Иннокентий ШЕСТАКОВТАР.
Бырааһынньык сылаас уонна эйэҕэс быһыыга-майгыга буолан ааста. Бу тэрээһин дьиэ кэргэн уонна таптал суолтатын өссө төгүл санатта.
Бу ураты бырааһынньыгы тэрийбит дьиэ кэргэн сыаннастарын өйүүр, көҕүлүүр дьоммутугар, Далбар Хотуттарбытыгар — Таатта улууһун дьахталларын сэбиэтигэр — барҕа махталбытын тиэрдэбит!
В.Будикина.