От ыйын 20-21 күннэригэр Таатта улууһун Амма нэһилиэгэр Унньуулалаах сиригэр, А.Е. Кулаковскай — Өксөкүлээх Өлөксөй түһүлгэтигэр, бастакытын төрүт оҕунан ытыыга биирдиилээн уонна хамаанданан бастыыр иһин өрөспүүбүлүкэ чөмпүйэнээтэ буолан ааста. Чөмпүйэнээт ССРС спордун маастара, СӨ үөрэхтээһинин туйгуна Олег Лукич Ючюгяев сырдык кэриэһигэр ананна.
Күөн күрэскэ уопсайа 17 улуустан 161 охчут, ол иһигэр Тааттаттан 38 спортсмен көхтөөх кыттыыны ылла. Улахан күрэс түмүгэр: Эр дьоҥҥо Прокопий Моттуев (Даайа Амма) — 1 миэстэ.
Бэтэрээн эр дьоҥҥо 3 категорияҕа: Леонид Васильев (Ытык Күөл) — 2 миэстэ. Бэтэрээн эр дьоҥҥо 1 категорияҕа: Николай Эляков (Ытык Күөл) — 2 миэстэ.
Бэтэрээн эр дьоҥҥо 1 категорияҕа: Симон Дедюкин (Ытык Күөл) — 3 миэстэ.
Хамаанданан түмүккэ: Чурапчы улууһа — 1 м. Дьокуускай куорат — 2 м. Нам улууһа — 3 м. Таатта улууһа — 4 м. Улуустааҕы төрүт оҕунан ытыы федерациятын салайааччы Е.Е. Ноенохов, Таатта улууһун охчуттарын аатыттан Ючюгяевтар аймахтарга уонна бары көмөлөспүт спонсордарбытыгар: «Саханефтегазбыт» АУо генеральнай дириэктэригэр, Ил Түмэн депутаатыгар В.Н. Лебедевка, «Төлөн» АУо дириэктэригэр, Ил Түмэн депутаата П.Д. Рахлеевка, «Монтажник» ПК салайааччыта М.А.Ханиҥҥа, Таатта улууһун баһылыга А.С. Бурцевка, нэһилиэк баһылыктарыгар, Таатта улууһун физическай культураҕа уонна спортка комитетын салайааччыта Н.М. Сабарайкиҥҥа, Тааттатааҕы норуот айымньытын дьиэтин салайааччыта Г.Г. Вырдылиҥҥа, «Сарыал» киинин салайааччыта А.И.Тарасовка, «Аллан» маҕаһыын салайааччыта Н.Г. Винокуровка, «1000 мелочей» маҕаһыын салайааччыта А.А. Муруновка, Г.Н. Григорьев дьиэ кэргэнигэр, норуот маастара Э.Э. Тарабукиҥҥа истиҥ махталбытын тиэрдэбит.
Таатта улууһугар төрүт оҕунан ытыыга маннык ситиһиилэр кэлэ иликтэрэ, өссө күүскэ түмсэн иннибит диэки эрэллээхтик хардыылаан иһиэҕиҥ!
Егор Егорович Ноенохов, улуустааҕы төрүт оҕунан ытыы
федерациятын салайааччы.