Волейбол төрөөбүт күнүнэн аан дойдуга олунньу 9 күнүн ааттыыллар. Бу күн М.К.Аммосов аатынан ХИФУ спортивнай саалыгар 11-с төгүлүн ыытыллар өрөспүүбүлүкэтээҕи «Көтөр мээчик» волейболга күрэҕэ буолан ааста.
Күрэхтэһиигэ 404 кыттааччы – 50 хамаанда 13 улуустан кэлэн кытыннылар. Таатта улууһуттан Тыараһа орто оскуолатыттан икки хамаанда күрэхтэһиигэ кытынна, тренер Дмитрий Викторович Попов. Күрэхтэһиигэ Тыараһа орто оскуолатын улахан уолаттарын хамаандата кыайыы өрөгөйдөөх кыттан кэллилэр.
Үс күннээх кимиилээх оонньуулар түмүктэринэн улахан уолаттар хамаандалара финалга тахсан, олус чаҕылхай оонньууну көрдөрөн кыайыы ситиһиилэннилэр. Хамаанда састааба: Даниил Федоров, Егор Окоемов, Коля Матвеев, Юра Турнин, Дима Чехордун, Мичил Никифоров, Артем Нахов.
Хас да көлүөнэ волейболистары иитэн таһаарбыт уопуттаах, энтузиаст тренер Дмитрий Викторович Попов сыралаах үлэтэ өссө элбэх ситиһиилэри аҕала турдун.
Тыараһа орто оскуолатын пресс киинэ.