Сэтинньи 8 күнүгэр Тыараһа анал коррекционнай оскуолата 55 сыллаах үбүлүөйүн көрсө Илин эҥэр улуустар коррекционнай оскуолаларын икки ардыларыгар бастакытын ыытыллар “Методическай турнир – 2024” күрэс буолан ааста. Амма, Уус Алдан, Мэҥэ Хаҥалас уонна Таатта педагогтара күөн көрүстүлэр, баай үлэлэрин уопутун тарҕаттылар.
Күрэс 4 түһүмэҕинэн ыытылынна:
1. Хамаанда туһунан визитка,
2. Педагогическай кейс,
3 түһүмэххэ бырайыак оҥорон көмүскээтилэр,
4. түһүмэххэ маастар кылаас ыыттылар.
Күрэс түмүгүнэн Амма улууһун педагогтарын хамаандата муҥутуур кыайыылаах буолла.
Ол күн Тыараһа коррекционнай школа бэтэрээн үлэһитэ Собакин Степан Тарасович ааптардаах “Илиибит сылааһын оҕолорго” диэн киэҥ ис хоһоонноох стела үөрүүлээх арыллыыта буолла.
Мира Луковцева.