Олунньу 12 күнүгэр от ыйын 7-12 күннэригэр ыытыллаары турар «Манчаары оонньуулар» бэлэмин тула өрөспүүбүлүкэтээҕи хамыыһыйа бэрэссэдээтэлэ Сергей Местников эппиэттээх министиэристибэлэр бэрэстэбиитэллэрин, улуустааҕы салалтаны, хамыыһыйалар чилиэннэрин мунньан, сүбэ мунньах ыытта.
Таатта улууһун баһылыгын э. т. Руслан Захаров тэрээһини ыытарга бүгүҥҥү сүрүн кыһалҕаларынан үбүлэнии чуолкайданыан наадатын эттэ.
Сергей Местников биирдии боппуруоһунан Боробул аһаҕас стадионуттан саҕалаан, ыалдьыттары көрсөр үөрэх тэрилтэлэрин өрөмүөнүн үбүгэр, ыалдьыттары аһатыыга иһит-хомуос булуутугар тиийэ чопчу эппиэттээх үлэһиттэртэн хоруйдары ылла.
Бары боппуруостарга болдьоҕун ыйан туран, ирдэбил турарын эттэ.
Ый аайы, ыйга хаста даҕаны тустаах хамыыһыйалар кэлэн миэстэтигэр үлэни ыытыахтаахтара иһитиннэрилиннэ.
Истэ олордоххо саха өрөспүүбүлүкэтин бырабыыталыстыбатын өттүттэн «Манчаары оонньууларын» үрдүк таһымҥа ыытарга интэриэстэрэ, эппиэтинэстэрэ үрдүк диэн түмүккэ кэлэҕин.
Бары өттүнэн ымпыгар-чымпыгар тиийэ чуолкайдаммыт.
Онон бу улахан тэрээһиҥҥэ олохтоохтор бэйэбит өттүбүтүттэн эмиэ түмсүүлээхтик үлэлиирбит, фондаҕа харчыны уган, тустаах үлэлэргэ көхтөөхтүк кыттарбыт ирдэнэр.