Бэс ыйын 15 күнүгэр ыһыах түһүлгэтигэр Ытык Күөл киин библиотеката суруйааччы Реас Кулаковскай төрөөбүтэ 110 сылыгар аналлаах тэрээһиннэри ыытта. Кыттааччылары уонна көрөөччүлэри Реас Кулаковскай кыыһа норуот үөрэҕириитин туйгуна, улуус бочуоттаах олохтооҕо Рива Реасовна Кулаковская эҕэрдэлээтэ, Лена Макарова ырыанан киэргэттэ.
«Айар аартык күлүүһүн арыйдахха…» суруйааччы айымньыларын ырытыыга кэтэхтэн ыытыллыбыт күрэс түмүгүн иһитиннэрии уонна кыайыылаахтарга наҕараадалары туттарыы буолла. Улуус нэһилиэктэриттэн, Кэбээйи, Сунтаар улуустарыттан, Дьокуускайтан барыта 17 үлэ киирбит.
Дьүүллүүр сүбэ быһаарыытынан ананна:
1 миэстэ — О.М. Слепцова (Ытык Күөл)
2 миэстэ — Н.В. Андросова — Айталы (Дьокуускай)
3 миэстэ — М.Н. Ширяева (Ытык Күөл)
Анал ааттар:
Т.С. Григорьева (Чычымах)
С.Н. Самсонова — Сиибиктэ (Кэбээйи)
Биһирэбил бириис:
Л.Н. Турнина (Ытык Күөл)
«Айымньы кынатыгар уйдаран…» суруйааччы айымньыларын дьиэ кэргэнинэн уус-уран ааҕыы күрэһэ ыытылынна. Дьүүллүүр сүбэҕэ Реас Алексеевич кыыһа Р.Р. Кулаковская, сиэнэ Н.Г. Дарбасова, киин библиотека дириэктэрэ А.К. Билюкина, «Уран тыл» литературнай түмсүүттэн С.С. Игнатьева үлэлээтилэр.
Кыайыылаахтарынан ааттаннылар:
1 миэстэ — Пинигиннар дьиэ кэргэн (Дьохсоҕон)
2 миэстэ — Бехтюевтар дьиэ кэргэн (Ытык Күөл)
3 миэстэ — Турниннар дьиэ кэргэн (Ытык Күөл).
Анал ааттар:
Андросовтар дьиэ кэргэн (Ытык Күөл)
Шестаковтар дьиэ кэргэн (Ытык Күөл)
Биһирэбил бириис:
Грязнухиннар дьиэкэргэн (Ытык Күөл).
«Реас Кулаковскай ыллыгынан…» блиц-оонньуу тэрилиннэ. Манна ким баҕалаах кыттан талан ылбыт боппуруостарыгар суруйааччы кинигэлэриттэн эппиэттэри буллулар. Кыайыылаахтар дипломнарынан, бириистэринэн наҕараадаланнылар, маны таһынан Кулаковскайдар дьиэ кэргэн бастакы миэстэни ылбыттарга аҕалара мөссүөннээх үрүҥ көмүс өйдөбүнньүк бэлиэлэрин туттардылар.
Бары кыттыбыт дьоҥҥо махталбытын тиэрдэбит!
