Таатта улуһуугар хас да агрономическай хайысхалаах оскуолалар баалларыттан, Петр Васильевич Полускин дириэктэрдээх Тыараһа агрооскуолата бэрт таһаарыылаахтык үлэлиир, үѳрэнээччилэри үлэ сатабылларыгар такайар. Оскуола үлэтин уоппутун араас таһымнаах научно-практическай конференцияларга, куонкурустарга көрдөрөн уопут ылар, атастаһар.
Петр Васильевич иһитиннэрбитинэн
Быйыл бэс ыйын 7 күнүгэр Хатас агрооскуола тэрийитинэн ѳрѳспүүбүлүкэтээҕи ыһыах буолан ааста. Барыта 12 оскуола кэлэн кытынна, Таатта улууһуттан Тыараһа уонна Дьохсоҕон оскуолалара кытынныбыт. Биһиги уон бэһиэ буолан кыттан алта кѳрүҥ күрэхтэрэтэн түѳрдүгэр кыттан араас анал ааттары, үрдэллэри туттубут.
Ол курдук «Бастыҥ уонна саламааттаах сандалылаах түһүлгэ» күрэҕэр «Амтаннаах ас» анал аат ыллыбыт, «Алгыстаах оһуохай» күрэҕэр английскай тыл учуутала Дария Павловна Монастырева 3 үрдэлгэ тигистэ, Марианна Алексеевна Толстякова, технология учууталын коллекцията «Оһуор — мандар кырдала» аныгылыы моһуоннаах сахалыы таҥас күрэҕэр кыайда, «Агродьүрүскэн» диэн хомус, тойук, дэгэрэн ырыаны биир киһи толорор күрэҕэр Гея Сергеевна Сабарайкина, педагог-психолог бастакы үрдэли ылла.
Бу курдук ситиһиилээхтик кыттан, астына-дуоһуйан, биир дьыаланан дьарыктанар үѳлээннэхтэрбитин кытта кѳрсѳн, сүбэ-саргы буолан тарҕастыбыт.
Александра Прудецкая, «Таатта» хаһыат общественнай көмөлөһөөччүтэ.