Россия Геройа Максимов Родимир–Бурхаат аатын сүгэр “Уолан” байыаннай–патриотическай кулууп байыаннай-спортивнай түмсүүтэ ыам ыйын 5 күнүттэн саҕаланна. Барыта 5-11 кылаастан 37 уол кыттыыны ыллылар. 4 отделение 2 взводка уонна 1 хозводка арахсан, хаһаарыма усулуобуйатыгар хоно сытан күрэхтэстилэр, дьарыктаннылар.
Сборбут начальнигынан директоры иитэр үлэҕэ солбуйааччы Васильева Н.П., рота хамандыырынан ОБЗР учуутала Бережнов А.Н., штаб начальнигынан физкультура учуутала Меркурьев А.И., замполитынан үлэ уруогун учуутала Атастыров А.П., тыылга үлэҕэ солбуйааччы — үҥкүү учуутала Андросов С.Д., взвод хамандыырдарынан музыка учуутала Васильев Г.К., физика учуутала Марков Н.Э. уонна тустуу, теннис тренерэ Щукин У.Е. үлэлээтилэр. Манна улахан кылаас уолаттара усулуобунай звание ыланнар, командир эбээһинэһин ылынаннар, кыра кылаас уолаттарын өйдөтөр, сүбэлиир-амалыыр эппиэтинэстэрин ылсыбытынан бардылар. Рота старшинатынан 11-с кылаас үөрэнээччитэ Атастыров Саян, эбии хаһаайыстыбаннай взводу салайааччы, 1 взвод 1 отделениетын командирынан старшай сержант Кузьмин Кузьма -11-с кылаас, 1 взвод 2 отделениетын командирынан Васильев Артем – 10-с кылаас, 2 взвод 1 отделениетын командирынан Белолюбскай Айсен – 11-с кылаас, 2 взвод 2 отделениетын командирынан Евграфов Эрчим -10-с кылаас буоллулар.
Бастакы күн тэринии, хаһаарыманы оҥостуу уонна “тутум эргииргэ”, ГО (противогаз кэтиитэ), уһуну ыстаныыга, гранатаны быраҕыыга, тардыныыга ананна.
Байыаннай түмсүү ыам ыйын 5 күнүттэн 8 күнүгэр диэри буолан ааста. Отделениелар икки ардыларыгар, уопсайа 17 көрүҥҥэ күрэхтэстилэр. Үөһэ ахтыллыбыт көрүҥнэртэн эбии эстафетаҕа, мэһэйдэри туорааһын, автоматы ыһыы-таҥыы, викторинаҕа, марш-бросокка, автомат маҕаһыынын толору хомуйуу, дисциплинаҕа, ырыаны уонна стройу көрүү, футболга, мас-рестлиҥҥэ уонна хапсаҕайга күрэхтэстилэр. Бу күрэхтэһиилэргэ бастыҥ отделение уонна бастыҥнар быһаарылланнар, оскуолабыт администрацията туруорбут минньигэс бириистэринэн бэлиэтэннилэр.
Ол курдук, 1 очукуонан кыайыы өрөгөйүн 1 взвод 2 отделениета (мл.сержант Васильев Артем – 10-с кылаас, ефрейтор Варламов Максим – 8-с кылаас, Неустроев Денис – 7-с кылаас, Кузьмин Давид – 6-с кылаас, Гуляев Ганя, Кузьмин Ринат, Шестаков Владик –бары 5-с кылаастар) биллилэр.
Иккис миэстэҕэ 1 взвод 1 отделениета — ст. сержант Кузьмин Кузьма-11-с кылаас, үһүс миэстэҕэ 2 взвод 2 отделениета, мл. сержант Евграфов Эрчим – 10-с кылаас, төрдүс миэстэҕэ эмиэ аҕыйах баалынан кыайтаран, 2 взвод 1 отделениета – сержант Белолюбскай Айсен — 11-с кылаас таҕыстылар.
«Бастыҥ саллаат» аатын 6-с кылаас үөрэнээччитэ Эляков Тимур сүктэ. «Бастыҥ хамандыырынан» 10-с кылаас үөрэнээччитэ Евграфов Эрчим буолла.
Биһиги выпускникпыт, Тааттатааҕы ГИБДД начальнигын эбээһинэһин толорооччу, лейтенант Оросин Анатолий Анатольевич кэлэн бэрт ис хоһоонноох бэсиэдэни ыытан ааста. Онон быйылгы сбор туруоруммут сыалын ситиһэн, Кыайыы 80 сылын үбүлүөйдээх күнүн үөрэ-көтө көрүстэ.
Геннадий Васильев видеосюжеттара.
Анатолий Меркурьев.