Саха өрөспүүбүлүкэтин бырабыыталыстыбатын бэрэссэдээтэлин солбуйааччы , XXII «Манчаары оонньууларын» ыытыыга өрөспүүбүлүкэтээҕи хамыыһыйа бэрэссэдээтэлэ Сергей Местников Оонньуулар иннинээҕи бүтэһик сүбэ мунньаҕын Тааттаҕа ыытта.
Сүрүннээн Таатта улууһа «Манчаары оонньууларын» ыытыыга бэлэм.
Билигин бүгүҥҥү хамыыһыйа бэрэбиэркэтин кэнниттэн үлэни ситэрии боппуруостара тураллар.
Сергей Местников дьону түһэриигэ оҕо спортивнай оскуолатын, 1 нүөмэрдээх оскуолатын ситэ бэлэмэ суоҕун, уһуйааннар эппиэтинэстээхтик сыһыаннаһан дьону көрсөргө бэлэмнэрин, уунан хааччыйыы боппуруоһун ситэрэргэ, уу хаачыстыбатын чинчийиини түргэтэргэ, культура 60-н тахса тэрээһиннэригэр бэлэмнэнии бара турарын эттэ.
Мунньахха өрөспүүбүлүкэ салалтатын араас салааларын салайааччылара кыттыыны ыллылар.
«Оонньуулар » өрөспүүбүлүкэҕэ үп-харчы өттүнэн олус уустук бириэмэҕэ ыытыллаллара биллэр,ол иһин сорох культурнай тэрээһиннэри ыытарга өссө сүбэ наадата этилиннэ.
Уунан хааччыллыы ,транспорга автобуһунан сылдьыы маршрута Ытык Күөлгэ уонна Харбалаахха , айан суолун харыстааһыҥҥа, улахан массыыналар айаннарын хааччахтааһын үлэлэрэ ыытыыла тураллара, Ытык Күөлгэ ханнык уулуссаларынан массыыналар сырыыларын схемата оҥоһуллуохтааҕа, айан суол уунан ыһыллыаҕа диэн этилиннэ.
Баһаартан сэрэхтээх буолууга анал постар туруоруллуохтара.
Дроннары туттууга СӨ ис дьыала министиэристибэтигэр сайаапка ыытыллыахтаах.
Көҥүллэммит пляж боппуруоһа эмиэ турда.
200 волонтер үлэлиэҕэ. Астара, формалара быһаарыллыбыт. Кинилэри үөрэтии былааннаммыт.
Ууну ыраастааһын ыытыллыан наада , ууну таһар 3 массыыналар суоппардарыгар ирдэбил туруохтаах. Скважина уутун аналиһа от ыйын 4 күнүгэр биллэр, боротокуолга киллэрэн туран,ууну ырааһырдыыга таблеткалары атыылаһыы боппуруоһа быһаарыллыахтаах.
Харчевка ыытарга 57 сайаапка киирбит, онтон бүгүҥҥү күҥҥэ 37 сайаапка бигэргэммит.
Чааһынай ыаллар дьиэлэрин түүлэһэр буоллахтарына роспотребнадзорга испииһэктэрэ бэриллиэн наада диэн буолла.
Сергей Местников түмүккэ улууска элбэх үлэ барбыт, ол эрэн өссө ситэрии баар диэн эттэ.
Онон от ыйын 4 күнүгэр итэҕэстэр толоруллууларын тэрийэр хамыыһыйа бэрэбиэркэлиирин, ат сүүрдүүтүн ыытарга федерация сарсын кэлэн санаатын этиэхтээҕэ тиэрдилиннэ.
Түмүккэ Сергей Местников «Оонньууларга» кыттар тэрилтэлэр бэлэмнэрин туоһулуур сертификааттары туттартаата.
А.К. Посельская.