Бүтүн Арассыыйатааҕы «Кросс нации” сүүрүү күнэ буоларын курдук “Спорт – норма жизни” бэдэрээлинэй бырагыраама “Демография” национальнай бырайыак сүнньүнэн 2004 сылтан ыытыллар.
Быйылгы сүүрүү балаҕан ыйын 26 күнүгэр С.Р.Кулачиков – Эллэй аатынан Чычымах орто оскуолатыгар буолан ааста. Сайыҥҥылыы халлаан киһи эрэ сүргэтэ көтөҕүллүө, сүүрүк оҕолору ыҥыра угуйда.
Ол курдук, кросска оскуола физкультураҕа учуутала А.В.Малышев оҕолорго сүүрүү балаһыанньатын, “Саамай спортивнай кылаас”, “Саамай сүүрүк” кулууптар тустарынан кэпсээтэ.
Кросска алын сүһүөх кылаас оҕолоруттан саҕалаан учууталларга тиийэ кыттыыны ыллылар.
Алын сүһүөх кыргыттарыгар Алиана Васильева, уолаттарга Семен Попов, орто сүһүөххэ кыргыттарга Арина Гуляева, уолаттарга Иван Ючюгяев, улахан кылаастарга кыргыттарга Лиза Канаева, уолаттарга Айсен Павлов кыайыылааҕынан тахсан грамоталарынан, сэртипикээтинэн наҕараадаланнылар.
Оҕолор эти-хааны чэбдигирдэр күрэххэ кыттыһан олус астыннылар.
Оҕолорго үрдүк дабайыыны, ситиһиини баҕарабыт.
Елена Слепцова.