Өрөспүүбүлүкэ судаарыстыбаннаһын күнүгэр тирэхтээхтик сайдыы V Хотугу форумун чэрчитинэн Дьокуускай куоракка Хотугу форум оскуолаларын Ассоциацията тэрилиннэ. Ассоциацияҕа барыта 13 оскуола киирдэ, онно Тааттаттан Алампа аатынан Ытык Күөл 1-гы нүөмэрдээх оскуолата уонна А.Е.Мординов аатынан Тааттатааҕы лицей киирдилэр.
Тирэхтээхтик сайдыы V Хотугу форумугар 18 дойдуттан кыттыыны ыллылар, Арктикаҕа олох тупсуутугар туһаайыллар араас площадкалар тэрилиннилэр. Экспертэр этэллэринэн хаһааҥҥытааҕар да улахан форум тэрилиннэ диэтилэр.
