Попов Иван Дмитриевич
(1910-1990)
1910 с. Уус-Амма нэһилиэгэр дьадаҥы кэргэҥҥэ төрөөбүт. 7 кылаас үөрэхтээх. 1930-1941 сс. Чымынаайы, Чычымах начальнай оскуолатыгар учууталынан үлэлии сылдьан, 1941 с. балаҕан ыйын 9 күнүгэр аармыйаҕа ыҥырыллар. 1942 с. сэтинньи 6 күнүгэр диэри Байкальскай байыаннай уокурук 17-с армиятын 513-с хаһаас стрелковай полкатын чааһыгар сулууспалыыр. 1942 сылтан 1944 сылга диэри гужтранспортнай ротаҕа сулууспалыыр, үксүн салайар састаапка сылгыһыттыыр. Онтон 1944 сылтан 1946 с. диэри Ульзаҕа 6-с батальоҥҥа сулууспалыыр. Ол сылдьан Япония сэриитэ бүтүөр диэри 75-с пропускной (саамай эппиэттээх пууҥҥа) регулировщик буолар (бэйэтин ахтыыта) 1945 с. демобилизацияланар. Чымынаайы начальнай оскуолатыгар учууталлаабыт, лесхозка, кулууп сэбиэдиссэйинэн, киномоториһынан, биригэдьииринэн үлэлээбит. 4 оҕолоох, 11 сиэннээх, 15 хос сиэннээх.
Наҕараадата: хас да мэтээл, 11 махтал сурук, онтон үһэ Сталинтан (бэйэтин ахтыыта).
Кыайыы кынаттаах Албан аат — тыыннаах кинигэтиттэн ылылынна.