Лицейгэ учууталларга аналлаах курс ыытылынна

А.Е. Мординов аатынан Таатта лицейин базатыгар «Методическая система учителя-предметника: идеи, проектирование, реализация, результаты» диэн ааттаах ИРОиПК салалтатынан учууталлар идэлэрин үрдэтэр таhымнаах курс тохсунньу 24-31 күннэригэр буолан ааста.

-Бу курс дистанционнай чааһын матырыйаалын к.п.н. Огоюкина С.И. уонна программированиетын лицей информатизацияҕа солбуйааччыта Посельскай А.С. таҥан оҥорбуттара. Курсаннар санаалара биир, «матырыйаал өйдөнүмтүө, үлэлииргэ ыарахаттары көрсүбэтибит», – диэн. Иккис чааһа лицей учууталларын методхолбоһуктарын баай уопуттарыгар олоҕуран практикаҕа туһуланна. Курсаннар сэҥээриилэрин 2016 сыллаахха тэриллибит наставниктар «Бигэ», бу оскуоланы бүтэрбит выпускниктар учуутал идэтин баһылаан билигин оскуолаларыгар үлэлии, айа–тута сылдьар «Утум» түмсүүлэрин уопута.

d3d0fe72-f1dc-4031-a95a-910f0545f8b7

8fd225bc-9598-461c-8c0f-5685f4f380de

Ол курдук, уопсайа бу сылларга 33 оҕо кэлэн үлэлээбит, күн бүгүн 19 выпускник баара кэрэхсэбиллээх. Бу сыыппаралар элбэҕи кэпсииллэр: оскуола кадр боппуруоһугар эрэйи көрсүбэт, эдэр учуутал үөрэппит учууталларын аттыгар сөптөөх тус көмөнү, өйөбүлү кэмигэр ылан адаптациятын түргэнник ааһар. Бу маннык үлэ түмүгэр Тарасенко А.Ю., Михайлова В.Ю., Варламова А.Д. «Бастыҥ учуутал», 2 оскуола директордара, 5 директор солбуйааччылара үүнэн таҕыстылар.

Курсаннары 2 күн устата 9 бөлөххө арааран учуутал тус авторскай методическай систематын оҥорорго туһулаатылар. Уопсай түмүккэ курсаннар курс салайааччыларыгар, Саргылана Иннокентьевнаҕа махтанан туран, дьиҥ чахчы бэйэбит тутан–хабан, үгүс мунаарар боппуруостарбытыгар хоруй ылан, астынан тарҕастыбыт диэн бэлиэтээтилэр. Маны таһынан Илин Эҥэр гимназияларын, лицейдэрин директордара, солбуйааччылара мустан Ил Дархан ыйыытынан 11 флагманскай оскуолалар инники соруктарын тобуллулар.

О.В. Корякина, лицей медиакиинин салайааччыта.

Читайте дальше