Олунньу 10 күнүгэр Ытык-Күөлгэ улууспут култууратын киинигэр, эдэр ыччат киинин түмсэр саалатыгар «Бастыҥнар хамсааһыннарын» региональнай салаатын сүрүн салайааччылара кыттыылаах методическай десант чэрчитинэн «Медиашкола, заседание Совета Первых, семинар для кураторов движение первых» тэрээһиҥҥэ кыттан кэллибит.
Бу күн тэрээһиммит Медиашкола хайысхатынан ыытылынна. Ол курдук Таатта улууһун оҕо хамсааһынын актыбыыстара биир сүрүн «Медиа и коммуникации» — «РАССКАЖИ О ГЛАВНОМ!» бастыҥнар хамсааһыннарын хайысхатынан хайдах үлэлии олороллорун туһунан сиһилии бэйэлэрин үлэлэрин билиһиннэрдилэр, кэпсээтилэр уонна уопут атастастылар. Манна Игидэй оскуолатын медиашкола «Туллук» салайааччыта Баннова Наталья Борисовна олус интэриэһинэй медиаҕа сыһыаннаах мастер-кылаас ыытта, араас лайфхактары көрдөрдө, хайдах камераны, микрофону тутта үөрэнэргэ бэйэтин уопутуттан оҕолорго олус өйдөнүмтүө гына кэпсээтэ. Оҕолор бэйэ-бэйэлэрин кытта билсэн-көрсөн кэпсэтэн инники былааннары-сыаллары туруордулар, олус интэриэһинэй тэрээһин буолла.
Харбалаахтааҕы үөрэхтээһин холбоһугун 8 кылааһын үөрэнээччитэ: Лейла Никонова