Бүгүн, ахсынньы 1 күнүгэр “Кыһын Саха сириттэн саҕаланар бэстибээл» чэрчитинэн үгэскэ кубулуйбут харыйа уота Таатта улууһун киинигэр умайда. Саҥа Дьыл кэлиитин оҕо аймах үөрэ көрүстэ. Оҕоҕо Саҥа Дьыл ордук кэтэһиилээх, алыптаах буолар. Нэһилиэкпит харыйатын уотун Тымныы оҕонньор сиэнэ кыыһынаан кэлэн оҕолор үөрбүт-көппүт хааһыыларынан доҕуһуоллатан уматтылар.
Саҥа кэлэр сылы көрсө оҕолор тымныы оҕонньорго ырыа, хоһоон ааҕан иһитиннэрдилэр. Кэлбит оҕолорго Тымныы оҕонньор оҕолор үөрбүт харахтарын көрөн үөрдэ, долгуйда.
Барыгытын кэлэн иһэр Саргылаах Саҥа Дьылынан! Үлэҕэ-үөрэххэ ситиһиини, чэгиэн доруобуйаны, дьоллоох олоҕу баҕарабыт!
Елена Слепцова.