Билии күнүнэн Уолба нэһилиэгин олохтоохторо Бүтүн Дойду үрдүнэн ыытыллар «Үөрэнэ барарга көмөлөс» акцияҕа көхтөөхтүк кытыннылар. Нэһилиэк дьаһалтатын үлэһиттэрэ элбэх оҕолоох ыал үөрэнээччилэригэр: Сергей, Айхал, Хомустаан Афанасьевтарга, Сайнаара, Сахайаан, Маайа Боппосовтарга, Андреян, Гоша Капитоновтарга, Дуня, Сеня, Стас, Костя Мосоркиннарга, Сайнаара, Руслан, Айсана Собакиннарга, Алина, Сайаан, Айтал Софроновтарга көмөлөстүлэр.
Оскуола учууталлара Нарыйа, Маша Юнчановтарга, Виталий, Павел, Диана Рахлеевтарга, Айаал, Эльза, Натали Товаровтарга, Саян, Сахаян Соломоновтарга, Амир, Виталий Петровтарга олохтоох маҕаһыыҥҥа сертификат туттардылар. Ордук үөрүүлээҕинэн оскуолабыт боруогун атыллаабыттара 50 сылын бэлиэтиир выпускниктарбыт акцияҕа кыттыылара сэмээр үтүө үгэскэ кубулуйуута буолла. 1984 сыллаах выпуск коллектива, билигин үксүлэрэ эбэлэр, эһэлэр, оскуола активист үөрэнээччилэригэр Устя Лазареваҕа, Алена Таппыроваҕа уонна алын сүһүөх оскуола «Ыллык» бөлөҕүн үөрэнээччилэригэр бэлэх туттардылар.. Бары акцияҕа кыттыбыт нэһилиэкпит олохтоохторугар оскуола коллективын аатыттан махтанабыт.
