Бүгүн от ыйын 17 күнүгэр А.Е. Кулаковскай – Өксөкүлээх Өлөксөй скверыгар бүтүн Арассыыйа үрдүнэн 2022 сылтан саҕалаан бэлиэтэнэр дьиэ-кэргэҥҥэ таптал уонна бэриниилээх буолуу күнүгэр анаан үөрүүлээх тэрээһин буолла.
Тэрээһини «Амсат эрэ дьэдьэҥҥиттэн» ырыанан арыйда Лилия Сергеева.
Бу үөрүүлээх күҥҥэ 50-тан тахса сыл бииргэ олорбут дьиэ кэргэн ыҥырыылаах ыалдьыт буолан кэллилэр:
Таатта нэһилиэгиттэн 55 сыл бииргэ олорбут Николай Николаевич, Парасковья Александровна Колодезниковтар, Терентий Павлович, Галина Павловна Егоровтар;
50 сыл бииргэ олорбут Хрисанф Николаевич, Елена Петровна Кычкиннар, Егор Спиридонович, Валентина Давыдовна Мироновтар, Илларион Илларионович, Светлана Дмитриевна Сидоровтар, Мирон Николаевич, Эльвира Зотовна Колодезниковтар, Василий Васильевич, Дария Михайловна Аянитовтар, Василий Яковлевич Эляков уонна Клара Петровна Быллырытова;
Амма нэһилиэгин олохтоохторо, 53 сыл бииргэ олорбут Николай Михайлович, Людмила Павловна Харлампьевтар.
Таатта улууһун баһылыгын социальнай политикаҕа солбуйааччыта Святослов Васильевич Сунхалыров мустубут ытык ыаллары эҕэрдэлээн туран «За любовь и верность» диэн анал мэтээллэри туттартаата. Кинини сэргэ Таатта нэһилиэгин баһылыга Егор Иннокентьевич Павлов, Амма нэһилиэгин баһылыга Петр Петрович Старостин, Дьүлэй нэһилиэгин баһылыга Олег Дмитриевич Осипов эмиэ махтанан, баҕа санааларын этэн туран наҕараадалары туттартаатылар.
Ытык-мааны ыаллары Таатта улууһун ыччат отделын салайааччыта Варвара Петровна Рахлеева эҕэрдэлээтэ. Ону тэҥэ улуустааҕы дьиэ кэргэн отделын исписэлииһэ, дьахтар сэбиэтин бэрэссэдээтэлэ Варвара Ильинична Будикина анал ааттары: «Семья года»- Алдан нэһилиэгиттэн Чириковтар дьиэ кэргэҥҥэ, “Семья — хранитель традиций» Дьүлэйтэн Потаповтар дьиэ кэргэҥҥэ, «Семья защитника» Чөркөөхтөн Бондаревтар дьиэ кэргэҥҥэ, «Сельская семья» Дьүлэйтэн Чупровтар дьиэ кэргэттэргэ туттардылар.
Бу кэрэ бэлиэ тэрээһини киэргэттилэр олохтоох мааны куоластаах ырыаһыттар Егор Мохначевскай, Таня Бурнашева, Виталий Эверстов, Туяна.
Ол кэннэ тэрээһини уопсай хаартыскаҕа түһүүнэн түмүктээтилэр.