Балаҕан ыйын 9 күнүнээҕи туругунан улуус үрдүнэн 2692 туонна үүт туттарыллан, 8 ыйдаах былаан 92,17 % толоруллан иһэр.
Мантан аллараа ким төһө үүтү туттаран иһэрин көрдөрөр субуокканы билиһиннэрэбит.
Бастакы колонкаҕа сыллааҕы былаан, иккискэ – балаҕан ыйын 9 күнүгэр диэри туттарыллыбыт үүт кээмэйэ (туоннанан), үһүскэ 8 ыйдаах графигы толоруу бырыһыана.
| «Таатта» ТХПК
|
1946,16 | 1399,55 | 87,20 |
| Амма
|
338,94 | 253,00 | 67,74 |
| Жохсоҕон | 364,00 | 265,80 | 114,94 |
| Дьүлэй | 97,20 | 81,70 | 111,33 |
| Игидэй | 232,78 | 164,78 | 87,64 |
| Октябрьскай | 322,31 | 237,27 | 83,35 |
| Орто-Амма | 195,69 | 125,50 | 65,53 |
| Таатта | 161,15 | 115,00 | 83,87 |
| Тыараһа | 234,09 | 156,49 | 84,17 |
| «Баай – Ас» ТХПК | 1855,67 | 1521,83 | 96,74 |
| Баайаҕа | 975,07 | 781,49 | 87,27 |
| Алдан | 236,80 | 221,32 | 122,29 |
| Уолба | 228,00 | 203,37 | 117,81 |
| Уус Амма | 275,80 | 196,27 | 83,67 |
| Орто Амма | 140,00 | 119,38 | 96,89 |
Былырыын оттооһуҥҥа улуус үрдүнэн 37445 туонна оттонуллубут эбит буоллаҕына, быйылгы былаан 33888 туоннаҕа тэҥнэстэ. Манна эбии былырыыҥҥы 3300 т. куруламмыт от баар, 600 т. сиилэс, 900 т. сенаж бэлэмнэниэхтээх. Бэс ыйыгар өрүстэр сүнньүлэригэр халаан уута тахсыбакка, алаас, үрдүк сирдэр курааннаан, от үүнүүтэ быйыл орто. Улуус үрдүнэн 12 мобильнай биригээдэ 60 км. ыраах сытар Даайа Амма, Уус Амма, Амма, Уолба, Баайаҕа сирдэриттэн 2100 т. оту ыллылар.
Билиҥҥи туругунан ходуһаҕа 736 тиэхиньикэ, 286 механизированнай, 188 полумеханизирован- най звено үлэлиир. Уопсайа 1415 киһи оттуу сылдьар. Балаҕан ыйын 9 күнүнээҕи туругунан 24848 т., ол эбэтэр 73,3 % от бэлэмнэннэ. «Победа», «Хочо», «Уолба» тыа хаһаайыстыбатын кэпэрэтииптэрэ сиилэһи бэлэмнииргэ, 8 хаһаайыстыба 51 т. сенаһы хомуйарга үлэлэһэллэр. Үгүс чааһынай дьон кураан күннэри баттаһа оттоон бүттүлэр. Билигин сүрүннээн бааһынай хаһаайыстыбалар, производственнай кэпэрэтииптэр оттууллар.
Бу күннэргэ тохтоло суох ардаан оттуурга кэккэ күчүмэҕэйдэри үөскэттилэр. Улуус үрдүнэн быйылгы ылыныллыбыт былаанынан хортуоппуйу үүннэрии 1222 т., оҕуруот аһа 443 т. тэҥнэстэ. Хортуоппуй үүнүүтэ быйыл үчүгэй. Ф.К. Прокопьева, Н.Е. Малышев, В.В. Попова, Е.Д. Афанасьев, В.В. Михайлов салайааччылаах хаһаайыстыбалар хомуур үлэтин саҕалаатылар.
Хаппыыстаны Ф.К. Прокопьева хаһаайыстыбата үүннэрэр, билиҥҥи туругунан хомуур үлэтэ саҕалана илик. Улууска бурдугу үүннэрэр соҕотох И.Д. Саввин (Уус Амма) хаһаайыстыба үүнүүтэ этэҥҥэ, 100-га бурдук хомуллара былааннанар. Онон халлаан туран биэрдэҕинэ ылыныллыбыт былаан толоруллуоҕа.
Елена Слепцова.