Баайаҕа нэһилиэгэр олунньу 10 күнүгэр ыытыллыбыт Потаповтар механизатордар династияларын саҕалааччы үлэ бэтэрээнэ, саахымат спордугар энтузиаст уһуйааччы Семен Иосифович Потапов 75 сааһыгар аналлаах саахымат турнирыгар уопсайа 48 саахымаччыт Дьокуускай куораттан, Чурапчыттан, Ытык Күөлтэн, Чычымахтан, Баайаҕаттан кыттыыны ыллылар.
Түмүк 4 бөлөҕүнэн таҕыста: Кыра саастаах оҕолор бөлөхтөрүгэр (2016-2012 с.т.): Павлов Айтал (Чычымах), Харайданов Ильдар (Ытык Күөл), Винокуров Богдан (Ытык Күөл).
Улахан саастаах оҕолор бөлөхтөрүгэр (2011-2006 с.т.): Андросов Артур (Баайаҕа), Афанасьев Аман (Баайаҕа), Хатылаев Вася (Баайаҕа).
Дьахталларга: Я.И.Винокурова (Ыты Күөл), А.П.Кириллина (Ытык Күөл), П.И.Христофорова (Ытык Күөл).
Эр дьоҥҥо: С.А.Протодьяконов (Дьокуускай), С.С.Соров (Чычымах), С.И.Потапов (Баайаҕа).
Кыайыылаахтар С.И.Потапов дьиэ кэргэнэ уонна нэһилиэк дьаһалтата олохтообут сыаналаах бириистэринэн наҕараадаланнылар.
Бастыҥ көрдөрүүлээх саахымаччыттарга анал ааттар олохтоннулар: «70 үөһэ саастаахтарга бастыҥ көрдөрүү” – Семен Афанасьевич Протодьяконов — саахымакка ССРС спордун маастарыгар кандидат (Дьокуускай), С.И.Потапов сиэн бырааттарын сүрүн бириистэрэ «Таатта кэскилэ» – Наташа Михайлова (ЫКОО 1-гы нүөмэрдээх 6 кыл.үөрэнээччитэ), С.И.Потапов дьиэ кэргэнин сүрүн бирииһэ «Баайаҕаттан бастыҥ көрдөрүү» – Иван Иванович Сыромятников, С.И.Потапов дьиэ кэргэнин бирииһэ.
Оскуола уонна нэһилиэк дьаһалталарын бириистэрин туттулар анал ааттар хаһаайыттара: «Саамай кыра саастаах кыттааччы» — Потапов Айтал (Дьокуускай), «Кыра саастаах кыргыттарга бастыҥ көрдөрүү» — Габышева Лилиана (Ытык Күөл), «Улахан саастаах кыргыттарга бастыҥ көрдөрүү» — Канаева Айаана (Чычымах), «Турнир тэрээһинигэр көмөтүн иһин» — Мирон Николаевич Колодезников (Ытык Күөл), «Төрөөбүт дойдуга бэриниитин иһин» — Карл Иванович Христофоров (Ытык Күөл).
Энтузиаст саахымаччыт С.И.Потапов 75 сааһыгар аналлаах турниры ыытыыга күүс-көмө буолбут сүрүн судьуйаҕа Александр Иннокентьевич Поповка, Таатта улууһун саахымат спордун федерациятын толорооччу директорыгар Степан Степанович Соровка, улуус аҕа саастаах саахымаччыттарын түмсүүтүн көҕүлээччи Мирон Николаевич Колодезниковка, үгүс улахан бириистэри туруорбут С.И.Потапов дьиэ кэргэнигэр, сиэн бырааттарыгар, бары Потаповтар аймахха, спонсорскай көмө оҥорбут киэн туттар биир дойдулаахпытыгар Иван Михайлович Андросовка, Баайаҕа орто оскуолатын директорыгар Степан Петрович Старостиҥҥа, бары кыттыыны ылбыттарга дириҥ махталбытын тиэрдэбит!
«Баайаҕа нэһилиэгэ» МТ дьаһалтата.