Кулун тутар 4 күнүгэр Уолбабыт нэһилиэгин олохтоохторугар, оскуолабыт үөрэнээччилэригэр , үлэһиттэригэр үөрэхпит кыһатыгар сирдьит В.И. Ленин аата иҥэриллибитэ 100 сылын бэлиэтиир “Сырдык суолунан” үс сыллаах иитэр-үөрэтэр үлэбит бырайыага түмүктэнэр, Саха сиригэр пионерскай организация тэриллибитэ 100 сылын бэлиэтиир “ 100 сыл Ленин аатын кытта…” үөрүүлээх тэрээһин буолан ааста.
Тэрээһин кылаас чаастарынан саҕаланна. 1-11 кылаас үөрэнээччилэрэ “Сырдык суолунан” үс сыллаах бырайыактарын уонна оскуола историятын туһунан кэлбит ыалдьыттарга кэпсээтилэр. Ол кэннэ бары, оскуолабыт таһыгар тахсан 100 сыл диэн дойду былааҕын өҥүнэн флешмоб оҥордубут.
Салгыы үөрүүлээх линейка, араас сыллардааҕы пионердар сбордара нэһилиэкпит норуот айымньытын дьиэтигэр ыытылынна. Манна эркини тула Оскуола историятын сырдатар «Музей муннуктара», араас сыллардааҕы пионердаабыт оҕолор быыстапкалара турбут. Саамай сөҕө көрбүтүм диэн Дария Трофимовна Боппосова куукулата буолар. Куукула 30 сантиметр уһуннаах, пионерскай хаалтыстаах, маҕан фартуктаах, кугас былаачыйалаах уонна бартыбыаллаах. Бу куукуланы бииргэ төрөөбүт бырааттара, убайдара төрөөбүт күнүгэр, хаартыскаттан бэйэтин түһэрэн ылан сакаастаан балтыларыгар Клавдия Юнчановаҕа оҥотторбуттар, бэлэхтээбиттэр эбит. Сборга ситиһиилээх учууталлар, үөрэнээччилэр добун суруктарынан наҕараадаланнылар.
Бырааһынньыктааҕы кэнсиэргэ оскуолабыт оҕолоро, учууталлара, «Уолбан» бөлөх кыттыыны ыллылар.
Саинна Рахлеева, саха тылын уонна литературатын учуутала.