🔹Бүгүн Тааттабыт улууһугар алта төгүл үөрүүлээх күн тосхойдо. Ол курдук Россияҕа дьиэ кэргэн, Тааттаҕа Таптал Эрэл Итэҕэл сылынан, Таатта улууһун үйэ аҥаара бииргэ олорбут үбүлүөйдээх дьиэ кэргэннэри чиэстээһин буолан ааста. Манна өйөһөн-өйдөһөн, олох суолун устун бииргэ хаамсар бигэ тирэхтээх, чөл олоҕу, үлэни өрө туппут 6 ытык-мааны ыал чиэстэннэ:
🔹Иван Гаврильевич, Варвара Спиридоновна Гермогеновтар — Игидэй нэһилиэгиттэн;
Михаил Иннокентьевич, Людмила Васильевна Ефимовтар — Орто Амма нэһилиэгиттэн;
Николай Семенович, Августина Кимовна Васильевтар — Амма нэһилиэгиттэн;
Георгий Иосифович , Марита Никитична Поповтар — Томтор нэһилиэгиттэн;
Александр Николаевич, Наталья Романовна Туласыновтар — Орто Амма нэһилиэгиттэн;
Егор Гаврильевич, Елена Алексеевна Вырдылиннар — Чөркөөх нэһилиэгиттэн.
🔹Бу орто туруу бараан дойдуга ыал буолан олоруу, оҕо-уруу төрөтөн удьуору тэнитии үрдүк дьол, олоххо ситиһии буоларынан бастыҥ ыалларбыт ааттара Таатта улууһун кыһыл көмүс кинигэтигэр үөрүүлээх быһыыга-майгыга суруллан киирдилэр.
