2025 сылга үктэнэн баран Баайаҕа нэһилиэгэ ыраах Австралияттан сылдьар бизнесмен Фершад Козлуну көрүстэ.
— Бачча ыраах сиргэ тугу интэриэһиргээн кэлбитий диэн ыйытык үөскүүр. Бизнесмен интэриэһиргиирэ киэҥ эбит. Баайаҕа уустарын быһаҕы охсор сатабылларын, ньымаларын көрдө, илиитинэн-атаҕынан тутан-хабан быһах оҕуста. Киниэхэ ыйааччынан эдэр уус Николай Неустроев буолла. Саха ынахтарын сэргиир, сэҥээрэр эбит. «Мандар Уус» саха олоҕун кэлим түмэлин көрөн сөхтө, бэркиһээтэ.
— Ыалдьыппытын бэйэбит уолбут, Вера Васильевна Яроева уола Иван Яроев английскайдыы тылбаастаан, арыаллаан илдьэ сылдьар. Кэлэн барбыттарын бэлиэтин Мандар Уус алгыстаах талах ынаҕы бэлэхтээтибит. Фершад Козлу астынан, үөрэн барда, дойдубар тиийэн кэпсиэм диэтэ.